خبيزات بحال القطن

السلام عليكم ورحمة الله وبركاته
عمري ماسحابني اللبن كيطري العجينة ويخليها بحال القطن حتى جربت بنفسي. ودرت مقادير بسيطة باش نشوف فقط النتيجة فالأول، ولهذا ماصورتش جميع المراحل .غنقولكم المقادير
ربع كيلودقيق سبيسال
ربع كيلو فورص
م،ك خميرةدالخبز
2م،ك زيت
م،ص سكر
م،ص ملح
والأهم كاس كبير لبن.
تعجني بالطريقةالمعتادة،وتخليه يخمر ربع ساعة، من بعد قسمي الخبيزات الحجم اللي بغتي، كرصيهم ،وخليهم يخمروا حتى يتضاعف حجمهم جرحيهم برازوار جديد طبعا. دخليهم لفران سخون مسبقا ، تكون درجة الحرارة متوسطة
مدة الطبخ تراوح مابين20و25 دقيقة .أنا هنا كرصتهم بالسميدة.

خبيزات بحال القطن P5200182