السلام عليكم
واحد المرا كتسعى جا واحد الراجل عطاها 100 درهم قالتليه سير اولدي الله يعطيك 3 الكفاف والعفاف والغنى عن الناس سمعها واحد الراجل قال مع راسو هادي تادعي 3 ارا ندور معاها اعطاها 10 د ريال قالتلو سير اولدي حتى انت الله يعطيك 3 جوج اشدوك وواحد يخلي دار بوك
هدي واحد الفرقة ديال كورة خاصها ماتش وتطلع ل 1 division ناض المدرب دخل واحد اللاعب عمرو مالعب دخل المهم دخل داك اللاعب راوغ الاول و التاني وماركا البيت جا عند المدرب حيد الكوداس قال لمدرب بوس الرجلين اللي يطلعوك ل 1 division قالو المدرب نتا اللي بوس البزطام اللي عطينا منو للحارس باش خلاها دخلت
هادا واحد السكايري تايدخل لواحد البار تايبدا تايشرب وتايشوف فواحد السرباية خايبة فوجهها المهم السرباية شافتو مشات عند الشاف قالتلو انا عارفا راسي خايبة بغيت غين نعرف علاش هاد الراجل ديما تايشرب وتايشوف فيا او هوا يمشي لعندو قالو اخويا حنا عرفنا ديك السرباية راها خايبا ولكن علاش تاتبقى تشرب و تشوف فيها قاليه منين تاتبان ليا زيانت تانعرف راسي راني سكرت باش نوض نمشي فحالي
واحد 3 اتافقو ياكلو او مايخلصو حتى ريال دخلو لواحد الريسطورا واحد جلس فليمن واحد فليصر وواحد الوسط المهم بداو تايكلو حتى شبعو جا السرباي عند الاول قالو خلصني اخويا قالو مالك اصاحبي شنو واكل راني دابا عاد خلصتك قالو الله اخويا فوقاش خلصتيني قالو خلصتك قدام داك السيد راه مشا عند التاني قالو سمحلي اخويا واش داك بنادم خلصني قالو اياه اخويا خلصك منين خلصتك انا قالو الله فوقاش كاع خلصتني قالو قدام داك السيد راه مشى عند التالت قالو اخويا واش دوك الجوج خلصوني قالو ايخلصوك اولا لا انا غير رد ليا الصرف ديالي
واحد الراجل خارج من لوزين هو يتعرضلو واحد الشفار هلكو مزيان وخدالو الخلصا ديالو من بعد 15 يوم تم خارج الراجل عاوتاني من لوزين هو يتعرضلو داك الشفار يالاه بغا يخلي دار بوه قالو الراجل حبس اخويا هاك هالخلصا ديالي بلا متضربني شد من عندو الشفار لفلوس وبقا عليه حتى صلخو عصى قالو الراجل الله يا خويا عطيناك لفلوس وهلكتينا قالو انا ندي شي حاجة بعرق كتافي